قال الشيخ خالد الجندي إن «تحذير الناس أنها تحترس من كل نصاب دي مشكلة كبيرة، كونك إنك تحذر الناس من كل النصابين والدجالين، اللي بيشيعوا بين الناس العفاريت والسحر والأعمال والشعوذة، والرقية الشرعية، هتتحمل طولة لسانهم وأذاهم، وقلة آدابهم، ولا مش هتتحمل»، مضيفا: «لو مش هتتحمل يبقى متفتحش الموضوع ده».
وأضاف الجندي عبر برنامجه «لعلهم يفقهون» المذاع على قناة «دي ام سي»، الأربعاء: «إنك تنصح الناس إنها تحط فلوسها في البنوك، وميسمعوش كلام النصابين والدجالين اللي بيقولوهم إن أموال البنوك ربا، علشان كروش المستريحين اللي جاهزين وعلشان فتاوى السلفية اللي جاية من وراء الحدود، وعلشان دول بيقبضوا بالريال والدولار واليورو، مش حاسس بمشكلتك قاعد بس مستني علشان حضرتك تخش في الحيطة ويتخرب بيتك، فيهددك بآيات الربا اللي مش نازلة في البنوك، دي نازلة في حاجة اسمها ربا الجاهلية، اللي الرسول حرمه في حجة الوداع».
وتابع الجندي : «أنا بقا أتحدى لو واحد منهم قدر يشرح الفرق بين ربا الجاهلية وربا الفضل»، مضيفا: «ويدخلوا عليك بحديث، والحديث ده مش حديث نبوي أصلا، ويقولك كل قرض جر نفعا فهو ربا»، منوها بأنه «إذا عندك استعداد تدخل الملف ده، راجل واستحمل، عندك استعداد تدخل في نصرة قضايا المرأة وتصحيح قضايا الأحوال الشخصية، وإسقاط الأكذوبة المسماة بالطلاق الشفوي، وتتحمل طولة اللسان والنتائج، الله يكون في عونك، ماعندكش استعداد، الضعفاء يمتنعون».
