ألذ طريقة لعمل السينابون بأقل التكاليف

كتب : رانيا عبد البديع

السينابون من الحلويات اللذيذة التي يقبل عليها الأشخاص في المحلات الشهيرة، ويمكن التخلي عن شرائها بتجهيزها في المنزل بسهولة ،عجينة السينابون

5 كوب دقيق
3 بيضات
ثلاث أرباع كوب زبده سايحة
ثلاث أرباع كوب سكر
2 ملعقة كبيرة خميرة
كوب لبن دافئ
ملعقة صغيرة ملح

حشوة السينابون

كوب ونصف سكر بني\
نصف كوب عين جمل مجروش
ربع كوب قرفة
ربع ملعقة صغيرة قرنفل مطحون
ربع ملعقة صغيرة جوزة الطيب
كوب زبدة طرية

صوص السينابون الأبيض
كوب جبنة كريمي
نصف كوب زبدة طرية
كوب سكر بودر
نصف ملعقة صغيرة فانيليا
طريقة التحضير:-
المرحله الاولي:
نقوم بتنشيط الخميره في الحليب الدافئ والسكر ونقلب حتي تختفي الخميره بعدها نصيف الزبده الذائبه ونقلب ونتركها تنشط وتكون رغاوي.

المرحله الثانية:
في بولة نخفق البيض جيدا

المرحلة الثالثة:
في العجان نضع الدقيق والملح ونقلبهم حتي يختلط الملح بالدقيق ونضيف البيض وخليط اللبن والخميره والسكر ونبدأ نعجن بالخطاف من 10 : 12 دقيقة حتي تتجمع العجينة.
في بولة مرشوشه دقيق نضع العجينة ونغطيها ببلاستيك او فوطه مبلوله ونسيبها تخمر 4 ساعات على الاقل الي ليله كامله بعد التخمير ناخد العجينة ونفردها ونرش دقيق علي سطح الرخامه ونفرد العجينه بالنشابه من النص الي الخارج وبعد فردها علي شكل مستطيل كبير نبتدي نوزع قطع زبده علي العجينة.
ونرش الحشوة علي العجينة ونضغط بالنشابة علي الحشوة ونبتدي نلف العجينة رول ونبتدي نقطع الرول قطع متساوية ونرصها علي صينيه الخبز ونلفها بالبلاستيك ونتركها تختمر مرة أخري وندخلها الفرن علي درجة 220 الي 250 ونتركه يستوي ويكتسب اللون الذهبي وبعد خروجه من الفرن مباشرة نغطيه بفوطة.

نرص وحدات السينابون وهو دافئ ونضع عليه الصوص الأبيض بمعلقة وعليه صوص الشيكولاتة وصوص الكراميل.

صوص السينابون الأبيض

طريقة التحضير:

في بولة نضع الجبنة الكريمي للحلويات (بريما ) والزبدة ويكونوا في درجة حرارة الغرفة ونضربهم بمضرب البيض الكهربائي وبعد الضرب نضيف الفانيليا والسكر البودرة ومعلقة كبيرة لبن ونكمل ضرب حتي نحصل علي قوام كريمي وناعم.
لعمل صوص الكراميل:
صوص الكراميل 2 كوب سكر يتحطه على النار مع نص كوب ماء وأول ما يبقوا كراميل تضيفي نص كوب كريمة وربع كوب زبدة باردة ولما يتشال من على النار ضيفي شوية فانيليا.
لعمل الحشوة:
في بولة نضع جميع المكونات الجافة السكر والقرفه وعين الجمل المجروش ورشة قرنفل مطحون ورشة جوزة الطيب ونخط المكونات مع بعض بحتة زبدة ضغيرة علشان تساعد على تماسك المكونات مع بعض.