كتبت : امانى المنياوى
“محمود ربيع” ابن محافظة البحيرة يوثق جمال الريف المصري المبهر والموجود في مدن وقرى البحيرة بكاميرا الموبايل عشان ينشرها للناس سواء في مصر أو بره!..
اضاف محمود (الحياة في الريف من أجمل التجارب اللي ممكن شخص يعيشها، ده أصل وثقافة مختلفة وحبيت أوصّح ده للناس)..
الشيء الجميل إن “محمود” عمل صفحة وعرض شغله من خلالها وبقى ليه متابعين من كل دول العالم وبالذات من أمريكا الشمالية وتحديداً من المكسيك والأرجنتين ده غير إنه بقى يترجم كلامه اللي على الصور للأسباني عشان يقدروا يفهموا حكاياته اللي بيكتبها عليها..
أطلقوا عليه لقب “المصور الزراعي” والنهاردة بقى عنده أكتر من 150 ألف متابع بيتفاعلوا مع صوره اللي خلّتهم قريبين من طبيعة الحياة في الريف المصري وأكلاته وجماله لدرجة إن فيه تعليقات كتير لناس كتير عايزين يزوروا مصر عشان يشوفوا الأماكن دي على الحقيقة..
“محمود” شاب مصري بسيط حبه للزراعة جعله يستخدم موهبته في تسليط الضوء على حاجات جميلة في بلده ويعرف الناس عليها.. اللي كان بيحركه هو محبته لبلده ولموهبته،محمود ربيع نموذج للشباب المصرى الناجح بأقل الامكانيات وصل للعالمية وكتبت عنه صحف ومواقع محليه ودولية ،المصور الزراعى أصبح حديث الجميع دخل وخارج مصر
