كتب: اسماعيل ابراهيم عبد الدايم
تحدثت الإعلامية «ياسمين عز» عن مميزات الزوج الصعيدي، مشيرًة إلى أن الزوج الصعيدي رجل طيب وأصيل ودمه حامي.
وقالت « ياسمين عز» في برنامجها اخر كلام : «الراجل الصعيدى مخلص، وكاتم أسرار، ميطلعش أسرار بيته بره، حرمة بيته بالدنيا، مش مجرد زوج وحبيب وخلاص، ده أخ وأب وصديق وسند».
وأضافت: «الصعايدة يعني الأصل الطيب، والأخلاق الحميدة، والشهامة والجدعنة والمروة والنخوة، كل الصفات الحلوة اللي بقت عملة نادرة في الزمن ده، موجودة في الرجل الصعيدي».
وتابعت « ياسمين عز» في تعليق عبر برنامجها «كلام الناس»، والذي يعرض عبر قناة «إم بي سي مصر»، اليوم السبت: «مش محتاجة أقولك اتجوزي راجل صعيدي، اتجوزي راجل صعيدي وإنتي مغمضة، اتجوزيه وحطي في بطنك بطيختين صيفي».
وأكملت: «الراجل الصعيدى يهمه أخلاقك قبل جمالك، ودمه حامي عشان كده هتلاقيه بيغير عليكي من الهوا الطاير، وانتي لازم تتقبلي غيرته، ولازم تحسسيه إنه محور حياتك».