علقت الاعلامية سهير جودة، على ما فعلته اسما شريف منير مؤخرا، والتي فاجأت الجميع بحلاقة شعرها، قائلة: «هي اسما شريف منير غلطت في حد، هي اذت حد، هو احنا ليه بنطلع العدوانية اللي جوانا والعنف اللي جوانا على شئ شايفين انه مختلف عننا، ليه بنصادر على حرية الاخرين، ليه كارهين فكرة ان دي خصوصية وحرية، لا يصح ان نعتدي وننتهك خصوصية الاخرين لا بالكلمة ولا بالسب ولا بالقذف»
واضافت سهير عبر صفحتها على فيسبوك، قائلة: «واضح اننا عندنا حاجات مكبوتة جوا فاحنا بنخرجها باي شكل، بنعتدي علي اي حد، لكن في عنف مكبوت وغل مكتوم واننا لا نقبل المختلف، ونعيش دور الاب والام للاخرين».
واشارت سهير: «اسما لم تقصد الترند ، احنا اللي بنصنع الترند لاننا نرفض اي شئ مختلف، لان احنا عايزين نرد بعنف وخلاص،
اللي مش عاجبنا نصمت عنه ولا نتحدث عليه ولا نكتب عنه».
وعن حفلة الدموع التي اقيمت مؤخرا في السعودية، قالت: «دي كانت شجن، والشجن يطهر النفس، ويضيف على الانسانية انسانية واحنا شعوب عاطفية، وكلما كنت شعب عاطفي كلما كنت اكثر انسانية ، فطبيعي نرجع لمرجعيتنا الانسانية ، ومرجعيتنا تكون الرحمة، واذا رايت شخص مختلف زي اسما او شيرين قبلها لو انا عندي كلمة كويسة ادعم بيها الشخص يكون شئ جيد واذا لم يوجد وداخلي غل لابد ان ارود هذا الغل».
واشارت: «لو انا متصور ان الشخص الذي فعل شئ غريب يبحث على الترند انا من امنحة هذه التذكرة ، ارفض اي شئ بالنسبة لك لكن لا تفرض رفضك على الاخرين، وحاول ترويض العنف الذي بداخل والا تنتبه للتوافه، خلينا نحترم اراء بعض، ونحترم خصوصيات بعض».
