محمد محسن يوجة رسالة شكر للعتاولة أحمد السقا وطارق لطفى ..شاهد

كتبت : رانيا عبد البديع 

يشارك الفنان محمد محسن فى مسلسل العتاولة فى الموسم الرمضانى القائم ٢٠٢٤ مع نخبة كبيرة من النجوم الكبار وهم أحمد السقا و طارق لطفى و زينة و باسم سمرة و مى كساب وفريدة سيف النصر ومحمد التاجى ومريم الجندى ومصطفى ابو سريع من تأليف هشام هلال، و إخراج احمد خالد موسى.

 وقال عن دورة فى مسلسل العتاولة” اجسد شخصية باسم  دبة وهو يعمل كسارق فى منطقة شعبية بالإسكندرية ومساعد لأبطال العتاولة ،اما من رشحنى للمشاركة فى هذا العمل الضخم هو استاذى أحمد خالد موسى وانا بحبة جدا و بثق فيه فنيا و إنسانيا يعنى حتى لو فى دور معروض عليا بستشيره كأخ ليا فطبيعى إن أى حاجة هو يطلبنى فيها اروح و أنا مطمن و واثق إنى هطلع فى أحسن صورة غير طبعا لما عرفت إن استاذ احمد السقا و استاذ طارق لطفى و استاذ باسم سمرة هم أبطال المسلسل و أنا بحترمهم لأنهم موهوبين و مثقفين و واعيين ده فنيا و إنسانيا قمة فى الطيبة و بحبهم جميعا على المستوى الشخصى دى اسباب من بعض الأسباب اللى تخلينى اوافق على الدور طبعا”.

وأكد محمد محسن ” اقدر اقول لاستاذ أحمد السقا إنى بحبك جدا و معرفة الرجال كنوز و انت من أهم الكنوز اللى عرفها أى بنى أدم يا طيب القلب “

وأستكمل محمد محسن “أقول لأستاذ طارق لطفى إتعلمت منك كتير و فخور إنى عرفتك و سعيد بالتجربة دى إنى معاك”.

 وكشف محسن عن كواليس العمل بينة وبين ابطال العتاولة “الحمدلله أنا بكون سعيد جدا و أنا رايح اصور لأن كلنا الحمدلله بيننا مودة و كيمياء جميلة و حابين بعض جدا و بنتعامل إننا أسرة واحدة ربنا يديمها نعمة علينا جميعا و كل الناس بتساعد بعض و مهتمين ببعض الحمدلله انا كسبت إخوات و اصدقاء من المسلسل”.

وجدير بالذكر أن اخر عمل شارك فيه الفنان محمد محسن هو مسلسل “بابا المجال” بطولة مصطفى شعبان ورياض الخولى وسوسن بدر وسهر الصايغ وباسم سمرة وجومانا مراد ومن تأليف وإخراج احمد خالد موسى.