علق الإعلامي عمرو أديب، علي تعادل النادي الأهلي مع نادي الزمالك في مباراة القمة ببطولة الدوري العام بنتيجة 2/2.
وقال عمرو أديب خلال برنامج “الحكاية” المذاع علي قناة “ام بي سي مصر”:”ببساطة وفي جملة واحدة مشوفتش ماتش في حياتي نادي عنده الحظ النار ده زي الأهلي، نادي حظه نار، ومشوفتش نادي دكر زي نادي الزمالك”.
وتابع:”الجنرال حظ هو عضو مؤسس في النادي الأهلي، وان النادي الأهلي مهما حصل الحظ دايما معاه، كورة امام عاشو منعت فوز الزمالك بعد لما جات في العارضة، الأهلي دائما وابدا حظه نار”.
وأضاف:”الأهلي لم يكن جيدا ولم يكن حلوا ولم يكن حاجة كبيرة، هي المشكلة اننا ابتدينا الماتش الزمالك نازي ميتغلبش والأهلي نازل يكسب وبعد شوية الزمالك اكتشف حاجة انهم حلوين وقادر يتعادل وبكسب، لاعبي الزمالك جايين من مأساة ووقف قيد واصابات والناس اللى بتعلق زعلانة من تراجع اداء بيرسي تاو هو كل الناس بتلعب مع الأهلي”.
ولفت:”بعد شوية الزمالك لما فهم ان الأهلي ولا عو ولا خاجة وممكن يترقص ويتجاب فيه جون، شيكابالا جاب التاني”.
وأشار:”فين روح الفانلة الحمراء كانت فين في اخر 6 دقايق، بصراحة الراجل فيريرا مدرب الزمالك قادر يقلب الماتش لصالح الزمالك، وظهرت روح الفانلة الزرقاء وغابت روح الفانلة الحمراء”.
وتابع:”فيريرا بيغذي من الناشئين من ولاد النادي، انما الأهلي حسين الشحات وصلاح محسن وبيرسي تاو وعنده فرقتين ورغم ذلك لم يكن حلوا أو عظيما”.
